დასავლეთ ევროპის მიტროპოლიტ აბრაამის (გარმელია) კურთხევით, გასული წლიდან დაარსდა და ფუნქციონირებს ქ. ფლორენციის წმ. ნინოს სამრევლო სკოლა ბავშვებისათვის.
ამა წლის, 29 იანვარს სკოლას სტუმრად ეწვია საქართველოს საგანგებო და სრულუფლებიანი ელჩი ბ.ნი კონსტანტინე სურგულაძე, რომელმაც წიგნები ჩამოუტანა და გადასცა ჩვენს აღსაზრდელებს, ასევე სამადლობელი სიგელით დააჯილდოვა სკოლის პედაგოგები და სამრევლოსთან არსებული ცეკვისა და სიმღერის გუნდი “ნანილა”.
სახელმძღვანელოები შედგენილია საგარეო საქმეთა სამინისტროს ეგიდით და მორგებულია ემიგრაციაში არსებული სკოლების საჭიროებებს. მადლობა მათ თანადგომისთვის.
