Më 16 shtator 2025, Sinodi i Shenjtë i Kishës Orthodhokse Autoqefale të Shqipërisë, nën drejtimin e Fortlumturisë së Tij, Kryepiskopit të Tiranës, Durrësit dhe të Gjithë Shqipërisë, Joanit, mori një vendim të rëndësishëm për jetën dhe shërbesën e Kishës; zgjedhjen e Hirësisë së Tij Nathanailit si Mitropolit të Gjirokastrës dhe të Hirësisë së Tij Anastasit si Mitropolit të Korçës.
Dy Mitropolitët kanë vijuar shërbesën e tyre baritore, duke u kujdesur, forcuar dhe barituar komunitetet orthodhokse në Mitropolitë e Shenjta që u janë besuar.
Në këtë përvjetor i lutemi Perëndisë t’u japë dy Mitropolitëve tanë urtësi, shëndet, forcë dhe hir për të vazhduar me përkushtim misionin e tyre kryepriftëror.
Për shumë vjet!
