Ikona paraqet një prej ngjarjeve më të rëndësishme në jetën e Krishtit. Është hyrja e tij në Jerusalem. Skena zhvillohet jashtë prandaj paraqiten dhe murret rrethuese të qytetit si dhe ndërtesat e Jerusalemit. Në qendër të ikonës hipur mbi gomar kemi figurën kryesore, Krishtin i cili pritet me lavdi nga njerzit, të cilët shtrojnë rrugën me dafina dhe robat e tyre. Në pemë paraqiten fëmijë të cilët presin degët e dafinës për t’ia dhuruar ato shpëtimtarit. Ai është ndërmjet dishepujve të cilët vëzhgojnë ngjarjen.
