Kremtimi i Pashkës 2020
Në katedralen e “Shën Gjergjit”, Fier, u kremtua Ngjallja e Krishtit. Shërbesa u zhvillua nën drejtimin e Mitropolitit të Apollonisë dhe Fierit, Hirësia i Tij, imzot Nikolla.
Si në çdo kishë tjetër, në këtë kohë pandemie, pjesëmarrës ishin vetëm klerikët, punonjësit dhe ata që ndihmonin.
Mitropoliti theksoi në mesazhin tij për këtë Pashkë:
Gëzim dhe Shpresë se ata që besojnë në Zotin e Ngjallur nuk humbasin, nuk munden, por fitojnë duke kaluar nga vdekja në jetën e përjetshme, aty ku nuk ekziston ligësia e të ligut, pushteti i të fortit dhe as arroganca e të pabesit, por vetëm mirësia, drejtësia dhe dashuria.
Kemi sigurinë se Jisu Krishti është Zoti i jetës dhe i vdekjes!
Krishti u Ngjall- Vërtet u Ngjall!
