Nga Kremtimi i Shën Parashqevisë ( (Shën Premte) në qytetin tonë. Meshën e kryesoi Episkopi i Bylisit Hirësi Asti ku bashkëmeshuan At Petro Thanasi , At Jani Tereziu dhe Dhjak Mihal Mihali si dhe psalën z. Dhimitër Qosja dhe z. Harrallamb Terziu. Shumë besimtarë të qytetit morën pjesë si dhe një grup i grave nga Tirana. Me rastin e ditës Hirësi Asti foli rreth jetës së Sh. Premtes, duke theksuar virtytes e saj, besën e krishterë, zellin misionar dhe guximin për të shpallur besimin përballë “ të fuqishmëve” të kohës! Gjithashtu theksoi shpirtin e saj bujar për të bërë lëmoshë ndaj nevojtarëve dhe qëndresën e saj me martirizimin! Ky martirizim i rezervoi një hir të madh në përjetësi. Kujtoi se sa e rëndësishmë është të kultivojmë besimin në familje, sepse shembulli i prindërve të saj shpresëtarë i la një trashëgimi të paçmuar kësaj shenjtoreje kaq të dashur për ne! Shumë kisha dhe njerëz të ndryshëm e nderojnë kujtimin e saj! Gëzuar për shumë vjet!
