Κατ’ αυτές, τις ημέρες πολλές είναι οι αστραπές και οι βροντές. Γι’ αυτό και η Ιερά Μητρόπολη Μάνης δημοσιεύει την κατωτέρω Προσευχή εκ του Μεγάλου Ευχολογίου της Εκκλησίας μας προς βοήθεια και πνευματική ενίσχυση των πιστών.
“Πάλιν σοῦ, Κύριε, τοῦ φιλανθρώπου Δεσπότου μνήμη παιδείας, πάλιν δούλων ἀχρείων συγχωρήσεως δεήσεις, γινωσκόντων ὡς ὅσον ὑπερβάλλει τό μέγεθος τῶν ἁμαρτημάτων, τοσούτῳ πλέον καί αὐτός ὑπερέχεις τῇ ἀμνησικάκῳ σου εὐσπλαγχνίᾳ. Δεόμεθά σου, ἀπόστρεψον τόν θυμόν σου ἀφ’ ἡμῶν, ὅπως μή εἰς τόν αἰῶνα ὀργισθῇς ἡμῖν, ἀλλ’ ἐν τῷ ἐλέει σου ζωώσης ἡμᾶς τοῖς οἰκτιρμοῖς σου.
Κύριε ὁ Θεός ἡμῶν, ὁ στερεῶν βροντήν, καί μετασκευάζων ἀστραπήν, καί πάντα πράττων πρός σωτηρίαν τῶν ἔργων τῶν χειρῶν σου. Ἔπιδε τῇ σῇ φιλανθρωπίᾳ καί ρῦσαι ἡμᾶς ἀπό πάσης θλίψεως, ὀργῆς καί ἀνάγκης καί τῆς ἐφεστώσης ἀπειλῆς˙ ἐβρόντησας γάρ ἐξ οὐρανοῦ, ὁ Κύριος, καί ἀστραπάς ἐπλήθυνας καί συνετάραξας ἡμᾶς. Διαλλάγηθι, εὔσπλαγχνε, πρός σέ καταφεύγομεν˙ καί τούς πλουσίους σου οἰκτιρμούς κατάπεμψον ἐφ ἡμᾶς, καί ἐλέησον τούς δούλους σου, ὡς ἀγαθός καί φιλάνθρωπος. Μή καταφλεξάτω ἡμᾶς τό πῦρ τοῦ θυμοῦ σου, μηδέ καταφαγέτω ἡμᾶς θυμός ἀστραπῶν καί βροντῶν σου˙ ἀλλά τῇ συνήθει σου χρησάμενος εὐσπλαγχνίᾳ, πράϋνον τήν ὀργήν σου, καί εἰς αἰθρίαν τόν ἀέρα μετάβαλε, καί ταῖς ἡλιακαῖς ἀκτῖσι τόν ἐπικείμενον ζόφον διακόψας, τήν ἀχλύν εἰς γαλήνην μεταποίησον.
Ὅτι Θεός ἐλέους, οἰκτιρμῶν καί φιλανθρωπίας ὑπάρχει, καί σοί τήν δόξαν ἀναπέμπομεν, τῷ Πατρί καί τῷ Υἱῷ καί τῷ Ἁγίῳ Πνεύματι, νῦν καί ἀεί καί εἰς τούς αἰῶνας τῶν αἰώνων. Ἀμήν”.