“ამაზრზენია მოძმე ხალხის გამოყენება “წმინდა რუსეთის” დასასუსტებლად და გეოპოლიტიკური მიზნების მისაღწევად” – რუსეთის პატრიარქი

უცხო ძალების ძალისხმევა რუსი და უკრაინელი ხალხის გაყოფისთვის დაგმო დღეს, ოთხშაბათს, 9 მარტს, მოსკოვისა და სრულიად რუსეთის პატრიარქმა კირილემ.

პატრიარქმა კირილემ მოსკოვის საკათედრო ტაძრიდან ქადაგებაში განაცხადა, რომ „დღეს რუსეთ-უკრაინის ურთიერთობების საკითხი გახდა დიდი, როგორც ამბობენ, გეოპოლიტიკური ნაწილი და ამ გეოპოლიტიკის ერთ-ერთი მიზანია „რუსეთის დასუსტება, რადგან ეს არის ძლიერი ქვეყანა.”

“სამწუხაროდ, რა ამაზრზენი და საზიზღარია მოძმე ხალხის გამოყენება ამ გეოპოლიტიკური მიზნების მისაღწევად. რა საშინელებაა ამ ხალხის ძმების წინააღმდეგ დაყენება, მაგრამ ასევე რა საშინელია იარაღის მიცემა ძმების წინააღმდეგ საბრძოლველად”, – დასძინა მან.

პატრიარქ კირილის თქმით, რუსები და უკრაინელები “ერთი ძლიერი ერთია”, ხოლო მან დასძინა, რომ “ამ ძალით შეშინებულმა მეზობლებმა ყველაფერი დაიწყეს ამ ხალხის გასაყოფად”.

ასევე მოსკოვის პატრიარქმა ისაუბრა მტრებზე, რომლებიც კონკრეტული ადამიანებისა და მედიის საშუალებით იტყუებიან და კონფლიქტს ამწვავებენ.

“სადაც ტყუილი იქაც ეშმაკი! დღეს ჩვენ გვაქვს ტყუილის უზარმაზარი მოცულობა, რომელიც ყველა საშუალებით ვრცელდება და სიმართლედ გვეჩვენება. ძალიან ფრთხილად უნდა იყოთ”, – განაცხადა პატრიარქმა კირილემ.

ბოლოს რუსეთის ეკლესიის მეთაურმა მორწმუნეებს “წმინდა რუსეთის” ერთიანობისთვის ლოცვისკენ მოუწოდა.

wenews.ge

H αναδημοσίευση του παραπάνω άρθρου ή μέρους του επιτρέπεται μόνο αν αναφέρεται ως πηγή το ORTHODOXIANEWSAGENCY.GR με ενεργό σύνδεσμο στην εν λόγω καταχώρηση.

Ακολούθησε το ORTHODOXIANEWSAGENCY.gr στο Google News και μάθε πρώτος όλες τις ειδήσεις.